الشاعر/محمد علي المنشلي في شهيد الواجب/عامر العكاسي المغيدي بعنوان(يهنأك موت العز)
ياملهمات الشعر وش عـاد اقولـه
في من تليق به المعانـي الجزالـي
في من ضرب مضرب مثل للرجوله
ميقن بما تخفـي صـدوف الليالـي
ويعلـم ان الشـر دونـه وحولـه
كأنه يقـل للتضحيـة لـي تعالـي
فالمـوت واحـد والليالـي دجولـه
والذود عن دار الوفـا رأس مالـي
دارٍ يباهـي بالبطـل والبطـولـه
ويخلـد ابطالـه مواطـن ووالـي
من صدوا اهل الشر في كل صوله
الحاقدين أهـل الفتـن والضلالـي
دون الخـوارج ياوطنـا زحولـه
جنـدٍ لابونايـف ونايـف تصالـي
تحت أمر ابومتعب وهم في مثولـه
مثل التفاف الخاتـم الحـظ عالـي
عضيده اللـي كـل مجـدٍ يطولـه
سلطان ابو الفزعات في كل حالـي
عسير في حـب التفانـي عجولـه
رجال مـن دون الوطـن ماتمالـي
تصغي لابوخالـد وتسمـع حلولـه
اميرهـا المقـدام رمـز النضالـي
وفي ولدها البـار تزهـى فعولـه
فقيدنـا عامـر حميـد الفعـالـي
يهنأك موت العز ساعـة وصولـه
يامرخصٍ روحـه بميقـاف غالـي
شهيد واجب لأجـل دينـه ودولـه
ترفع لك العليا بـرووس الطوالـي
هذا بعض ماكـان واجـب نقولـه
والموقف اكبـر ياوجيـه الرجالـي
السلام عليكم ورحمة الله وبركاته
قصيدة رثاء للشاعر علي بن محمد بن جالية في شهيد الواجب عامر بن أحمد الشويش العكاسي (رحمه الله)
*·~-.¸¸,.-~*شهيد الواجب*·~-.¸¸,.-~*
أشكر الله قبل نظمي للقصيد
كثرت أفضاله ونطلبه المزيد
وياقريني هات شعرك والمفيد
في رجال عزمهم فل الحديد
يا رجال الأمن يا الطود العتيد
ضموا إبن أحمد مع العقد الفريد
عامر بن أحمد ويانعم الشهيد
نعم به في صده الشر الأكيد
لحق بخوانه صناديد وصيد
من رجال الأمن في حضر وبيد
قالها من ينظم الدر النضيد
ويتمنى موتته والله شهيد
وأطلبك يا الله يالفرد الوحيد
يا عظيم الشان تفعل ما تريد
تسكنه في جنتك يوم الوعيد
في ديار الخلد والروض السعيد
إبن خالد جا وصلى عالفقيد
خفف الصدمه عسى عمره مديد
وجوا عزاك أخوان نوره من بعيد
ياشهيد الواجب السد العنيد
ويا الشويش أفخر وهذا يوم عيد
يا عريب الجد من تيد لتيد
الشباب تموت ما بين الحديد
وإبنك استشهد على أطهر صعيد
ولابتك من دونها برق ورعيد
لابة الناموس ما عنه تحيد
حاضر مشرق وماضيها مجيد
وأبنك الضرغام زود في الرصيد
جند أبو متعب ليا حان الحصيد
من يقص الراس من حبل الوريد
حاكم بالعدل والشرع الرشيد
في رياض العز والمجد التليد
إن تكلم كلمته والله تفيد
يصغي السامع ويطمع في المزيد
ثاقب النظره وله راي سديد
دون شعبه يبذل الجهد الجهيد
نعرف أجهوده وينكرها البليد
خاينين العهد في نار الوقيد
والصلاة أعلى حبيب الله تزيد
عد من هلل وكبر يوم عيد
الرئيسية 
أحدث الصور 
التسجيل 
دخول 
موضوع: قصيدك لا أنساها ما دمت حياً