قـاضـي الـعـشـق
اداري
تاريخ التسجيل : 08/10/2010
العمر : 41
 |  موضوع: سـور الـمـديـنـه الأحد نوفمبر 07, 2010 9:49 pm | |
| للحزن وسمن في عيـون الرجاجيـل
وانا يابنت الطيـش عينـي حزينـه
قلبي كفـخ كفخـة عديـم التفاصيـل
اللي رفع صـوب السمـاء ناظرينـه
حرن تنحى عـن عيـون الدرابيـل
عـن جـو ناسـن توهـم شايفينـه
ابيض نحر واشقر ضهر وافي الذيـل
جثل المتون اللي قـدح شـر عينـه
مسـرولـن ماجرحـتـه الثوالـيـل
ولاشيف له عنـد الصقاقيـر عينـه
تل السبـوق عصيـر متقبـل الليـل
والحد جـاء بيـن المواتـر وبينـه
باارضن وعر في حد الاردن(اسرائيل)
تقصـر عزايـم هقـوة متابعيـنـه
اقفيت مثلـه والسبـب دون تحليـل
يبقى يابنت الطيـش عنـدي رهينـه
ماعـاد تنفـع بالرسـول المراسيـل
والسر يبقى خلـف سـور المدينـه
يمكن مأول طـارف الهـرج تأويـل
من كاتب العدل ان شهـد شاهدينـه
محرفـيـن مقولـيـن الاقـاويــل
اللـي ثقـال نفـوس وثقـال طينـه
اثـر نوايـا النـاس تحتـاج تأهيـل
من شان تنـزل بالقلـوب السكينـه
احدن شرى الدنيا بعرض المحاصيـل
واحدن شرى دنياه في عرض دينـه
واليا نشدتي عن خبر مهـرة الخيـل
اللـي تظمرهـا اليـديـن الاميـنـه
اسطبلها دونـه كبـا فينـي الحيـل
واقفت معـه وعنانهـا فـي يدينـه
اقفت ولحصاني من اقفايهـا صهيـل
وانكفـت قبـل الهـرج ومدورينـه
ماينقطع حبـل الرجـاء والمواصيـل
منها لـو ان البعـد طالـت سنينـه
الشعر خلاهـا مثـل نجمـة سهيـل
مـن حبهـا عييـت اخفـي حنينـه
زرع لها بستان واهدى لهـا اكليـل
شعـررن كبـر بعيـون متذوقيـنـه
يابنت وش عذري ليا استفسر الجيل
وانـا اتحاشـى والمشاعـر سجينـه
مانـي بغصنـن كـل ماميّـل يميـل
الغصـن لامـال اكثـروا حاطبيـنـه
يابنت وش لك في دقـاق التفاصيـل
والسر كلـه خلـف سـور المدينـه
| |
|
عكاسي في زمن قاسي
مشرف
تاريخ التسجيل : 01/04/2010
العمر : 39
الموقع : ابها
| | موضوع: رد: سـور الـمـديـنـه الخميس نوفمبر 11, 2010 8:12 pm | |
| للحزن وسمن في عيـون الرجاجيـل
وانا يابنت الطيـش عينـي حزينـه
=============================
جميل ومبدع ومتذوق=-=-=-=-=-=-=-=-دمت بود | |
|
قـاضـي الـعـشـق
اداري
تاريخ التسجيل : 08/10/2010
العمر : 41
| | موضوع: رد: سـور الـمـديـنـه الخميس نوفمبر 11, 2010 11:08 pm | |
|
الأبداع ينبع منك ومنك نتعلم
شرفت بتواجدك ومرورك
| |
|
الرئيسية 
أحدث الصور 
التسجيل 
دخول