يافهد تعبت اشكي عليك الحال

الغالي اللي كلما جيت بيته 00اتخيله قبل مايرحل ويخليه

واجيه وادري لو اجيه مالقيته00لكن كذا ارتاح لا جيت ماضيه

والله لا موت وغايتي مانسيته00حتى بصلاتي اطلب الله يهنيه

الحارة اللي تفتخر في مبيته00نامت كما طفل فقد حضن أهاليه

حتى في غيابه للشوارع شكيته00قال تصدق عاد أنا مثلك أغليه

يشهد جداره من حنيني بكيته00ودي أضم جدار بيته وأنا ابكيه

ياما بصدق إحساس قلبي عطيته 00 وياما أخذني من التعب بين أياديه

اذكر في ذاك اليوم مرة ولقيته00يبكي وضايق يافهد من لياليه

جيته بدون شعور لهفه خذيته00وساعه انا وإياه جالس أواسيه

وشرد خيالي من دموعه نسيته00جالس أفكر في دموعه وناسيه

أثره يناظر دمعتي ما رايته00قام وسألني ليش تبكي وأنا فيه

مسح دموعي يافهد واحتويته00مثل الغريب اللي تضمه غواليه

واليوم انا والدمع وجدار بيته 00نسترجع الذكرى قبل لا يخليه

صح لسانك يا فحلان
ودمت بحب

صح بدنك
أسعدني تواجدك
دمت بصحه وسلامه وسعاده