يافهد وش شاف مجنون ليلى بالغرام ..........................
................................ أشهد انه وأن بِلِي بلوته ياهونها
يافهد ليلاه وان مات فيها مستهام ..............................
................................ تدري انه بالهوى يافهد مجنونها
المصيبه من غدى ميتٍ له كم عام ..............................
................................. عشيقته ماتدري انه قتيل عيونها
قهرت نفسه عليها ومرّ الكبد زام ..............................
................................ ودوك قلبه يافهد مزّعته طعونها
يافهد والله يالولا الحيا واخشى الملام .........................
............................... والقرابه والحيا والهوى وجفونها
لاانـهـبــه وانحــاش واقــول لـه نـــام .........................
.............................. ما يردونه لو وقف جيش هتلر دونها
يافهد راع الهوى بالهوى لاضيم شام ..........................
................................. مايرده طول بيبانها وحصونها
وان غوى راع الهوى في هواها مايلام .......................
............................ لااجتمع غبن الزمن يافهد وغبونها
يافهد هي منوة اللي تمنى والمرام .............................
.............................. لعن ابو حظٍ قصر يافهد من دونها
أسمع الرعاد واخيل براق الغمام ...............................
............................. بس مادري يافهد وين وبل مزونها
ويافهد والله فلا اسلى هواها لاحرام ...........................
.............................. لو يلوح الشيب في لحيتي وقرونها
وخذ وصاتي يافهد وصلّه بنت الحشام .........................
.......................... ذي وصاتي كان غيري غدى مظنونها
لا شرت ثوب الفرح تشتري لي باع خام .......................
................................... يدفنوني ليلة العرس ويزفونها
الرئيسية 
أحدث الصور 
التسجيل 
دخول 
موضوع: هذي وصاتي يافهد 